有云：「一山不能藏二虎。」尚家卻一夫藏四嬌妻，封建制度下民初社會，大家族納妾成風，太太們為保其地位而各懷鬼胎各出暗招，一場 無聲殺戮早已於《銀樓金粉》中蘊釀。
四位不同性格際遇的尚太太：大太太賽小蝶 (薜家燕飾) 忍辱下攻於心計、二姨太連年旺 (陳秀珠飾) 兒子當令箭、三姨太程秀杏 (伍詠薇飾) 被 矇騙成恨、四姨太霏霏 (胡定欣飾) 拜金玩出火。
走進播放第三周，緊湊劇情升級：霏霏將死、程秀杏得知賽小蝶的假情、連年旺失皇牌，尚家面臨重大危機。
陳秀珠 狼戾年旺
飾演反派並非珠姐的第一次，撒手鐧深藏不露的奸意，卻不適用於丫環連年旺身上：「今次角色背景是妹仔，讀書唔多，水鬼升城皇當上二 太大。用以前那套唐監製話唔得Ｂ妹仔冇學識，就叫我一味掗掗拃拃同埋狼戾(音啷嚟)，我問：「咩叫狼戾？」監製拿《朱門怨》給我參考梅 綺演繹的三少奶，終於明白狼戾需要手口並用，好多動作。平時我多是演高貴的皇后，有深度，不動聲色，害了你都唔知。演連年旺好過癮， 第一次如此表面化，但監製都話未夠。」
處理狼戾有難度，角色行事不討好，珠姐無懼更連聲說：「好過癮囉，有場要打楊思琦演的妹仔秋菊，過程好驚，雖然她墊了軟墊，為求 爽要真打，痛到她喊得好慘，顯得我仲衰囉。雖然年旺乞人憎，但並非奸，丫環有心計去害死人？其實最奸另有其人，唔好畀表面呃晒。」
背後開心
連年旺恃著生了兒子尚世祖 (揚明飾) 於尚家橫行，內心也是逼不得已：「那時的女人冇地位，有好多時並唔係想爭甚麼，而是家族做成。只 有認命！我恃住有個仔，因為他是我的上方寶劍，絕對的皇牌，之後突然間失去了皇牌，人都癲啦！好慘o架，最後仲傻埋。」
劇中滿是悲劇人物，但珠姐卻透露，本劇的幕後趣事：「其實是一套喜劇！排戲時我們都用喜劇形式去演，到正式埋位才入戲。如果排戲時 大家都保持唔開心的情緒，成組人開工都會失落。當然我們都是好認真去搞笑，幸好合作演員都有咁上下資歷，幾時要去，有能力控制。只 想正式之前輕鬆些，而且家燕姐真係好好笑又是好對手，第一次和她合作，感覺良好。起初大家接到劇本都好驚，劇情咁慘情，使唔使呀？ 但係原來拍戲可以咁開心。」
消息摘自：568期《TVB周刊》
日期：12-05-2008
|
連年旺原為丫環，飛上枝頭變鳳凰，不脫狼戾特質，所以秀珠姐初嘗罵人出口又出手，大過氣癮。
|